Հարցազրույց Ա. Մկրտչյանի հետ գյումրեցի երիտասարդների զբաղվածության հարցի շուրջ

ԳԵԼԱ -ի անդամները Գյումրի քաղաքապետարանում

 2016 թվականի նոյեմբերի 28-ին Գյումրու երիտասարդ լրագրողների ակումբի անդամները հանդիպում ունեցան Գյումրու մշակույթի և երիտասարդության բաժնի պետ Ա. Մկրտչյանի հետ: Քննարկվեցին երիտասարդներին վերաբերող մի շարք հիմնախնդիրներ:

Ա Մկրտչյան, Գյումրու քաղաքապետարանի մշ. և երիտ. բաժնի պետ

-2016թ.-ին Գյումրին հռչակվեց ՀՀ երիտասարդական  մայրաքաղաք: Ինչպիսի՞ ծրագրեր են իրականացվել մինչ այս Գյումրիում  երիտասարդների համար:

-Բավականին ծավալուն թեմայի վերաբերյալ եք ուղղում ձեր հարցադրումը, իրականում այս տարի մոտ 60-ից ավել միջոցառումներ և ծրագրեր են իրականացվել, որոնցից առաջինը  «Գյումրին ՀՀ երիտասարդկան  մայրաքաղաք» ծրագրի պաշտոնական բացումն էր,  Երիտասարդական պալատի բացումը, Երիտասարդների Միջազգային օրվան նվիրված միջոցառումների շարքը, ինչպես նաև <<Ռոք ֆեստ Գյումրի 2016>>-ը, <<Շիրակի Էքսկիզներ>>  միջոցառումը և այլն:

-Ինչպիսի՞ հիմնախնդիրներ ունեն ներկայումս գյումրեցի երիտասարդները:

-Հիմնական խնդիրը աշխատատեղ չլինելու հետ է կապված, և դա ցավոք սրտի քաղաքապետարանի գործառույթների մեջ չի մտնում, բայց կան կազմակերպություններ, որոնք նոր են ստեղծվել մեր քաղաքում և նոր հնարավորություններ են տալիս երիտասարդներին: Այդպիսի կազմակերպություններից են «ԹՈՒՄՈ»-ն, Գյումրու Տեղեկատվական կենտրոնը, D-Link-ը:

-Առաջիկայում ինչ՞ նոր ծրագրեր են սպասվում գյումրեցի երիտասարդներին:

-Մենք ունենք մի շարք նախատեսված միջոցառումների ցանկ, որոնց մեջ է մտնում՝Հացի փառատոնը, Խաչատուր Ավետիսյանի 90-ամյակին  նվիրված միջոցառումը և այլն: Այս ամենը բնականաբար շարունական բնույթ է կրում:

Նյութը պատրաստեցին՝  Ս. Սարգսյանը, Հ. Հակոբյանը, Ա. Սահակակյանը, Մ. Պետրոսյանը, Ա. Պապիկյանը